Pottar
Efni: Jarðleir 
Aðferð: Handrennt og mótað 
Ár: 2020–2021


Svífandi blómapottar úr hábrenndum rauðleir


Rauðleir hefur verðir notaður sem efni í blómapotta um áraraðir og hentar plöntum mjög vel þar sem hann hleypir vel raka í gegnum sig og gefur plöntunum lífvænlegt umhverfi. Þessir pottar eru þó vatnsheldir og hugsaðir sem pottahlífar. Pottarnir eru ný lína af renndum pottum í þremur stærðum. Þeir eru hringlaga en form botnsins er lífrænt og vísar í jarðveginn og leirinn sjálfan. Grófar náttúrlegar fellingar þrýstast niður úr beinum leirveggjum og mynda kúptan botn sem nýtur sín vel hangandi. Pottarnir fljóta fallega í rými en minna á upprunann, jarðveginn og leirinn sem umlykur plönturnar.
Þrjú sterk hringlaga göt fyrir bönd undirstrika notagildi pottanna og gefa þeim ákveðið yfirbragð. Böndin eru í þremur litum og hefur hver stærð sinn lit, bláan, gulan og grænan. Böndin gefa pottunum léttleika og lit sem kallast á við jarðarlit leirsins.